Reprodutor de MP3 olímpico

martes, 12 de agosto do 2008 Marcus Fernández

Co gallo dos Xogos Olímpicos, na Internet xa se pode atopar un reprodutor multimedia coa orixinal forma do Estadio Olímpico pequinés (que imita a un niño de paxaro), presentando incluso o logotipo oficial dos xogos.
O curioso reprodutor soporta ficheiros MP1, MP2, MP3, WMA, WMV, ASF e WAV, conta con sintonizador de radio FM, 7 ecualizacións, micrófono integrado para gravación de voz de longa duración (soportando o formato WAV/ACT) e conectable ao PC por USB.
Os modelos de 1, 2 e 4 Gb de capacidade se venden a 19,20, 23,52 e 32,56 dólares respectivamente, polo que non é de agardar que se trate un reprodutor de alta calidade, senón que máis ben está pensado coma un recordo dos Xogos de Pequín.

PUBLICIDADE