Rianxo quere impulsar o comercio local cun marketplace en liña
martes, 11 de agosto do 2020
A Asociación Rianxeira de
Empresarios (ARE) e o Concello de Rianxo dan un paso definitivo de cara a
creación dunha plataforma en liña consistente nun gran directorio do sector
empresarial rianxeiro e dun marketplace que lle permitirá ao comercio
local ampliar as súas ventas chegando a un maior número de posibles clientes.
A ARE e o Concello levan meses traballando nas bases deste
complicado proxecto. Ademais de sondar o interese do empresariado mediante
reunións con parte do mesmo, realizáronse diversas xuntanzas, algunhas delas
con empresas especializadas, co obxectivo de analizar as caracterÃsticas
especÃficas que debe ter a ferramenta que se vai crear e de como poder
desenvolver e financiar o proxecto conxuntamente. Hai que destacar que, para a
realización dun proxecto deste calibre, hai que ter en conta diversas cuestións
e analizar infinidade de variables, algunhas das cales xurdiron precisamente nas
reunións mantidas con negocios locais.
Logo de facer unha valoración definitiva das propostas e
orzamentos presentados por diversas empresas especializadas elixiuse unha coa
que xa se está a traballar na realización do proxecto.
Elixido o nome, que proximamente se fará público, estase
agora a traballar na imaxe e o deseño desta plataforma online para
posteriormente comezar a traballar na súa construción e, de seguido, volverase
a contactar co empresariado local para informalo de xeito máis concreto sobre o
funcionamento da plataforma e os servizos que poderá ofrecer a través dela.
A ARE e o Concello queren lembrar que este proxecto está
aberto a todos os negocios situados no Concello de Rianxo e que estes poderán
participar nel simplemente formando parte do directorio empresarial ou tamén
ofrecendo os seus produtos e servizos a través do marketplace. Ademais, contratarase
persoal especializado especificamente para asesorar aos negocios e axudalos no
seu proceso de integración e adaptación ao marketplace.
A través desta plataforma tamén se poderán ofrecer servizos
de recollida en tenda ou entrega a domicilio, algo moi útil para o sector da
hostalerÃa e que tamén pode ser de gran interese para o comercio de alimentación
en particular e para o resto do comercio en xeral. Asà mesmo, os negocios que o
precisen ou queiran utilizalo, poderán ofrecer aos seus clientes a posibilidade
de solicitar cita previa desde a propia plataforma, algo que pode ser de gran
utilidade para salóns de peiteado, clÃnicas dentais, xestorÃas e talleres entre
moitos outros.