Ribeira recibe 185.883 de fondos europeos para proseguir impulsando a súa transformación dixital
venres, 2 de xuño do 2023
O
Ministerio de Política Territorial vén de confirmar ao Concello de
Ribeira o outorgamento de 185.883,06 euros de fondos europeos Next
Generation dirixidos a “seguir impulsando a transformación dixital
e a modernización do Concello de Ribeira”.
Máis
polo miúdo, estas axudas adscríbense ao denominado Compoñente
11 do Plan de Recuperación, Transformación e Resiliencia, que
permite “a modernización das comunidades autónomas e entidades
locais de forma coherente e coordinada cos investimentos realizados a
nivel transversal pola Administración Xeral do Estado, de acordo cos
criterios de consistencia e impacto esperados pola Comisión
Europea”.
Así,
40.000 euros irán destinado á integración dos expedientes abertos
coa Carpeta Cidadá do Estado, o que, segundo recordan fontes do
Concello, “favorece e facilita un único punto de acceso aos
servizos dixitais das administracións locais facendo que sexan máis
eficientes, inclusivos e de calidade para cidadáns e empresas, en
liña tamén cos obxectivos previstos na Estratexia Dixital 2025”.
- Praza do Concello de Ribeira
Por
outra banda, 145.883,06 investirase no desenvolvemento dunha nova
infraestrutura de rede, o que propiciará unha maior aforro de custes
para as arcas municipais. Neste senso abordaranse dúas actuacións
principais:
-Renovación
da rede de switching municipal, actualmente composta por electrónica de rede facilitada polo
operador de telecomunicacións, Telefónica, en modo de alugueiro e
por switches propios, cunha media de máis de 8 anos de
antigüidade. “Por este motivo é necesario adquirir novo
equipamento propio de nova xeración e adaptado ás necesidades
actuais e futuras do concello”, sinalaron fontes do Goberno local.
- Despregadura de rede de fibra entre as principais
sedes municipais. Na actualidade a maioría dos centros
conéctanse á rede corporativa vía VPN a través dunha conexión
ADSL. Realizarase unha tirada de fibra desde a sede (Concello), que
disporá de acceso a Internet de 1Gbps simétrico, ao resto de sedes,
de maneira gradual para conseguir a homoxeneización no servizo.
Nesta primeira fase subvencionada, a tirada de fibra levarase ata o
Conservatorio, a Policía, a Casa da Xuventude e o novo Auditorio.
A
obtención desta subvención europea é posíbel grazas a que ao
Concello de Ribeira xa desenvolveu ao longo deste mandato unha
Estratexia Dixital, a cal se apoiaba no vector Ribeira +Intelixente
da EDUSI Máis Ribeira Atlántica 2020, para o deseño dun marco
operativo de actuación que guiou a posta en marcha de actuacións
que avanzan na transformación dixital do Concello nos próximos
anos, como así tamén se recolle no Plan de Acción Local da Axenda
Urbana de Ribeira Atlántica, considerando como proxecto tractor ou
estratéxico o desenvolvemento dixital da Administración e por iso
facilitar os trámites aos cidadáns.