Samsung G25, un portátil sen batería

martes, 17 de xullo do 2007 Marcus Fernández

Os ordenadores portátiles con grandes pantallas está claro que non están pensados coa idea do seu uso móbil, e con esa idea na cabeza Samsung lanza o G25, que cunha pantalla de 19 polgadas destaca porque non inclúe batería recargable de xeito que só funciona conectado á rede eléctrica coma se fose un ordenador de sobremesa.
O equipo inclúe un disco duro SATA2 de 320 Gb (outro detalle pouco habitual nos portátiles), 7 portos USB 2.0, teclado numérico e transformador de corrente interno, ou sexa, que vén a ser un ordenador de escritorio pero coa aparencia externa dun portátil, que se venderá en Corea nos vindeiros días a un prezo aproximado de 1 millón de wons (626 euros).

PUBLICIDADE