Samsung presenta o móbil HSDPA máis delgado do mundo

xoves, 28 de decembro do 2006 Marcus Fernández

A banda larga dende o móbil é unha realidade grazas á tecnoloxía HSDPA que mellora as conexións UMTS normais superando o megabit de datos transferidos por segundo, e que está a crear unha nova canle de comercialización de servizos de datos (principalmente para o acceso á Internet) que se ve enriquecido con novos terminais telefónicos coma o SGH-Z720 de Samsung, que permite descargar datos a 1,8 Mbps (6 veces máis rápido que a telefonía 3G) e destaca por ser o móbil deste tipo máis delgado do mundo con só 1,38 cm de grosor.
Ademais, o novo terminal de Samsung incorpora cámara fotográfica de 3 Mpíxeles, lector de tarxetas microSD, unha pantalla con resolución QVGA de 2,1 polgadas, navegador web, tecnoloxía Bluetooth e conectividade USB, de xeito que permitiría tanto un veloz acceso á Rede dende o propio móbil como dende un ordenador conectado ó mesmo.
Ademais, tamén comercializan un receptor de GPS para o Samsung SGH-Z720 que podería servir para aplicacións coma uGo (que personalizaría o fondo de pantalla do terminal segundo a súa posición) ou tamén o sistema uTrack, que remitiría por SMS a situación do móbil en caso de roubo.

PUBLICIDADE