Samsung venderá os seus propios móbiles Armani

Os deseñadores de moda colaboran en moitas ocasións cos fabricantes de móbiles para o lanzamento de edicións limitadas e exclusivas de certos terminais, pero nesta ocasión a colaboración entre Samsung e Armani dá lugar a un móbil para mozos que estará adaptado para o seu público potencial tanto na súa estética coma no seu prezo (pois a marca que amosará o produto será Emporio Armani).
O Samsung Armani Night Effect M7500 é un terminal con formato de tableta, cunha pantalla AMOLED de 2,2 polgadas, díodos LED de cores (vermello, verde e azul) integrados no seu lateral e que se iluminan segundo o seu uso, conectividade HSDPA e Bluetooth, cámara de 3,2 Mpíxeles, reprodución multimedia, saída para auriculares de 3,5 milímetros, altofalante externo, sintonizador de radio FM e lector de tarxetas microSD.
O novo terminal se venderá en Europa a partir de novembro e o seu prezo podería ser inferior aos 300 euros.