Singtrix, a nova solución doméstica de karaoke
venres, 8 de novembro do 2013
John
Devecka, Charles Hung e Kai Huang son algúns dos nomes que axudaron a crear o
xogo Guitar Hero, e agora xuntáronse
con Eric Berkowitz para lanzar un novo produto, Singtrix, que podemos velo como o karaoke
doméstico definitivo, pois permite que poidamos interpretar calquera tema
almacenado no noso teléfono ou tablet eliminando de xeito automático a voz
orixinal das cancións para que poidamos introducir a nosa propia voz na canción
aplicándolle unha serie de efectos que inclúe o sistema, aÃnda que tamén é
posible empregar esta solución cunha versión adaptada de Karaoke
Anywhere, aplicación que achega un catálogo de máis de 13.000 temas de
karaoke coas súas letras que permite dende a compra de temas soltos ata a
subscrición.
Singtrix ten un acabado profesional e está composto por un micrófono cun pé no
que poder colocar un tablet ou smartphone e o Singtrix Studio
(elemento central que permite modificar a nosa voz mediante 300 efectos
predefinidos para poder encaixar a nosa voz con distintos estilos musicais); o
mencionado micrófono inclúe un botón para poder activar un efecto que
transforma a nosa voz nunha harmonÃa de 5 partes, para que poidamos activalo
cando queiramos interpretar un coro ou potenciar a nosa voz nun momento
determinado; e todo isto complétase cun altofalante estéreo de 40 watts cun
subwoofer.
Esta grande solución para os amantes do karaoke ten como principal atranco que
polo momento só está a comercializarse en EE.UU. e o seu prezo é de 299,99
dólares (224,63 euros).
VÃdeo de presentación de Singtrix