SmartPEME comeza maio con catro cursos sobre mercadotecnia dixital e outras cuestións TIC

A Deputación de Pontevedra, a través da rede de formación SmartPEME, brinda esta primeira semana de maio un novo ciclo de cursos online (catro) para capacitar tecnoloxicamente a profesionais, persoas autónomas e pemes da nosa terra. As accións destes días versan sobre como comercializar en liña experiencias gastronómicas, como editar fotografías co móbil, como configurar o PC segundo a actividade e como comezar a tirar proveito do chamado inbound marketing.
En concreto, este martes 4 impartirase o obradoiro Comercialización en liña de experiencias gastronómicas, estará a cargo de Sonia Torres, técnica de Empresas e Actividades Turísticas, quen falará da importancia de saber promover a nosa oferta gastronómica como elemento clave no posicionamento como destino turístico.
O mércores, Lara Taboada, titulada superior en Ensinos Artísticos de Deseño Gráfico, impartirá Edita as túas fotografías co teu teléfono móbil: Snapseed, obradoiro práctico onde usarase a aplicación para probar e explorar as súas posibilidades.
Para finalizar a semana, o xoves 6, será a quenda de dous obradoiros, o primeiro leva por título Configuración óptima dun PC segundo a actividade para realizar I a cargo Manuel Freire, experto universitario en Robótica e Impresión 3D, quen ensinará ao usuario a elixir correctamente a configuración do seu PC segundo a súa actividade empresarial; por último, Adrián Fernández, Licenciado en Comunicación Audiovisual, impartirá o obradoiro Introdución ao Inbound Márketing II, dando continuidade ao anterior, onde se fala da metodoloxía non intrusiva da publicidade dixital.