Super Mario Bros Brawl supera o millón de copias vendidas no Xapón

O xogo Super Smash Bros Brawl está a cubrir tódalas expectativas no Xapón, vendendo xa 1,08 millóns de copias en só 11 días, converténdose no xogo para Nintendo Wii que supera máis rápido o millón de unidades vendidas.
Os outros títulos máis vendidos para a consola de Nintendo, Wii Fit e Wii Sports tardaran 7 e 11 semanas respectivamente en vender o seu primeiro millón de copias no Xapón, polo que os resultados do novo título de Mario son realmente abraiantes.
O agardado xogo venderase en EE.UU. a partires do 9 de marzo, mentres que en España non se agarda a súa comercialización ata o mes de xuño.