Super Smash Bros Brawl dá problemas nalgunhas consolas Nintendo Wii

venres, 27 de xuño do 2008 Marcus Fernández

Esta semana chegou ás tendas españolas (tras varias demoras) o agardadísimo xogo Super Smash Bros Braw, título para Nintendo Wii que se vendeu a máis velocidade no Xapón, superando o millón de copias en só 11 días (pese aos problemas de abastecemento). E como xa aconteceu nos lanzamentos nipón e estadounidense, moitos usuarios están a detectar problemas co xogo, debido a que está gravado nun DVD de dobre capa, polo que certos lectores das Wii teñen problemas para ler os discos, o que parece que é un problema de sucidade na lente do DVD.
Os usuarios que teñan problemas coa súa copia deben contactar inmediatamente co servizo técnico de Nintendo que recolle case inmediatamente a consola e a devolve ao consumidor nun par de días, de xeito que poderán logo gozar deste xogo (e outros que saian en discos de dobre capa no futuro) sen problemas.

PUBLICIDADE