Teclado sen fíos para o control multimedia (e cun prezo moderado)

mércores, 11 de febreiro do 2009 Marcus Fernández

Pensando no uso dun ordenador persoal coma reprodutor multimedia (algo bastante habitual, especialmente en combinación cos televisores actuais, que en moitos casos teñen entrada para o sinal do PC) na popular tenda en liña Brando venden un teclado sen fíos de 78 teclas (con 20 teclas multimedia adicionais) que mide 26,2 x 11,2 x 2,1 centímetros, pesa 263 gramos e resulta especialmente atractivo por integrar un trackball, o que facilita o uso da interface do PC dende certa distancia.
O teclado funciona en Windows 2000/XP/Vista valéndose dun receptor de radiofrecuencia USB e aliméntase de dúas pilas AAA. O seu prezo de venda é de 48 dólares (uns 36,96 euros) e chegará á tenda en liña a finais de mes.

PUBLICIDADE