Teo convoca un obradoiro de emprego sobre novas tecnoloxías
xoves, 1 de xullo do 2021
O
Concello
de Teo vén de anunciar que realizará o proxecto do Obradoiro de
Emprego de garantía xuvenil EmprégateApp,
que formará en
novas ferramentas e aplicacións
a 16 alumnos e traballarán a partir do 19 de xullo, data de inicio
do curso. A iniciativa vén da man do Concello de Teo, promotor, e a
colaboración de Boqueixón e Vedra.
O
obxectivo deste obradoiro
é formar
aos participantes na
creación de aplicacións
para dispositivos móbiles, orientadas tanto á promoción turística
das zonas de actuación como á información e comunicación dirixida
ás persoas usuarias. O programa está enfocada a persoas mozas,
maiores de 16 anos e menores de 30. As persoas interesadas en acudir
deberán cumprir unha serie de requisitos que se atopan na páxina
do Concello de Teo.
O alumnado
obterá, en caso de superar a formación e a práctica, o certificado
de profesionalidade de Programación con linguaxes orientados a
obxectos e bases de datos relacionais. Coa obtención do certificado
de profesionalidade o alumnado poderá traballar como técnico
en data
mining
e como programador
de aplicación de xestión. María López, concelleira de
Desenvolvemento Local, destaca “o interese deste investimento tan
potente para un sector da poboación cun problema de desemprego
xuvenil moi importante”.