Tetris Ultimate chegará ás novas consolas no verán
mércores, 4 de xuño do 2014
Para
celebrar os 30 anos de Tetris Ubisoft está a preparar Tetris Ultimate, unha nova entrega da franquía que chegará a
PlayStation 4 e Xbox One no verán e a PC no outono, e do que poderán coñecerse os
detalles a semana que vén no E3 de Los Ángeles, onde estará presente o propio
Alexey Pajitnov, creador deste popular videoxogo en 1984.
O novo xogo permitirá xogar ata a 4 xogadores á vez en contará con 6 modos de
xogo diferentes: Marathon, Endless, Ultra, Sprint, Battle e Power-Up Battle.
Deste xeito o Tetris non será unha experiencia individual, senón que poderá
converterse en toda unha competición, permitindo que retemos aos nosos amigos
incluso cando están desconectados, para ver quen consegue unha mellor
puntuación.
Tamén será posible compartir as puntuacións globalmente, para o que existirá un
ranking oficial
que permitirá identificar aos mellores xogadores do mundo.
- Tetris Ultimate permitirá competir ata a 4 xogadores á vez
Vídeo de demostración do modo competitivo para dous xogadores de Tetris Ultimate