Toshiba comercializa un Ultrabook cunha autonomía de ata 22 horas

Toshiba está a mellorar os seus portátiles nun dos elementos que máis preocupan aos usuarios máis viaxeiros, a autonomía, levando o seu novo Dynabook KIRA V634 ata ás 22 horas de uso cunha carga, de xeito que este equipo con pantalla de 13 polgadas cunha resolución de 1.366 x 768 píxeles e un peso de 1,12 quilogramos sitúase á cabeza dos Ultrabook, converténdose no equipo máis notable dos novos portátiles de Toshiba que parten do V634, cun prezo base de 144.000 iens (1.068 euros), ata o V834, cun prezo base de 153.000 iens (1.135 euros), que ao contar cunha pantalla táctil de alta definición (2.560 x 1.440 píxeles) reduce a súa autonomía ata as aínda notables 14 horas.
Para conseguir estas magníficas autonomías os novos equipos funcionan con procesadores Intel Haswell e cuns paneis LCD optimizados para un consumo moi reducido. Poranse á venda mañá mesmo no Xapón, descoñecéndose se hai plans para a súa comercialización global a curto prazo.