Trunfa en Kickstarter o proxecto dun tricóptero capaz de cargar cunha cámara GoPro
mércores, 22 de xaneiro do 2014
Nos últimos anos non son poucos os enxeños voadores que
podemos atopar no mercado, dende os corredores dos centros comerciais ata as
tendas de electrónica de consumo, pero a meirande parte destes drones de uso non profesional adoecen
dunha carencia importante: non teñen xeito de gravar/retransmitir vÃdeo de boa
calidade por non ter a potencia suficiente como para cargar cunha cámara. Para
solucionar iso chegou
a Kickstarter The Pocket Drone,
un robot voador de AirDroids que pretende
ver a luz no mes de xuño nos EE.UU. e que, a 45 do remate da súa campaña de
micromecenado xa recadou 10 veces a cantidade precisa para que o seu proxecto
poida completarse con éxito.
O drone é un microcóptero de 3
hélices capaz de cargar cunha cámara GoPro, que pode encartarse para facilitar
o seu transporte, inclúe todo o preciso para voar e parte dun prezo inferior
aos 500 dólares, polo que resulta moi atractivo para todos os afeccionados ao
vÃdeo que queiran realizar producións orixinais.
Para controlar este dispositivo voador poderemos empregar calquera teléfono ou
tablet con Android que conte cun porto USB (no futuro tamén será compatible con
iOS) e o drone está equipado con
software avanzado que permite a programación de voos con Google Maps, a marca
de destinos por GPS, modo de seguimento (de xeito que perseguirÃa a un móbil
localizado por GPS) e incluso ten un mecanismo de retorno automático. Pode voar
ata 20 minutos cargando cunha cámara (non incluÃda) e a súa versión completa terá
un prezo de 595 dólares (439 euros) descoñecéndose se chegará a comercializarse
fóra de EE.UU. tras demostrarse a súa elevada demanda comercial a través da
campaña de captación de financiamento actual.
VÃdeo de presentación do novo drone compacto de AirDroids