Uber Eats desembarca na Coruña e máis en Ferrol
xoves, 21 de novembro do 2019
Uber,
a compañía de transporte privado que opera baixo a plataforma de
aplicación do mesmo nome, está a ampliar a súa presenza nas nosas
cidades a través de Uber Beats, a ferramenta móbil de comida a
domicilio, que comezou esta semana a súa actividade na Coruña e en
Ferrol logo do seu desembarco en Pontevedra e Vigo e previamente en
Lugo e máis en Ourense. En total, media ducia de cidades galegas.
Segundo
informa a compañía, a chegada de Uber Eats nas seis localidades
permitirá aos residentes “gozar en casa, na oficina ou en calquera
recanto das ditas cidades da súa comida favorita, e só descargando
a app a través de ubereats.com”.
Uber
Eats conta última nesta fase de lanzamento con máis de 30
restaurantes dispoñíbeis en A Coruña, entre os que se contan
establecementos tan coñecidos como La Famiglia, Fujiyama e Toluca,
amais de grandes cadeas como KFC e Ginos. Semellantes termos pódense
aplicar ao caso de Ferrol, onde está dispoñíbel unha manchea de
establecementos de referencia, aos que suman cadeas como McDonald’s.
“Hai
uns meses lanzamos o noso servizo de comida a domicilio en Vigo, con
sesenta establecementos adheridos, e hoxe continuamos o noso
espallamento en Galicia co lanzamento da Coruña e Ferrol, cuxos
habitantes poden gozar xa dunha nova opción práctica e sinxela para
pedir comida a domicilio”, sinalan os responsábeis de Uber Eats,
engadindo que a través da aplicación, que dispón de múltiples
opcións de personalización, “poderán saber en todo momento onde
se atopa o seu pedido, que estimamos recibirá nuns 30 minutos de
media”.
O
servizo está dispoñíbel de luns a venres, de 12h da mañá a 17h
da tarde, e de 19h a 23:45h da noite. De sábado a domingo, de 12h da
mañá a 23.45h da noite. En Uber Eats, non hai pedido mínimo e, o
custo de envío será de 2,5 euros en todas as solicitudes a calquera
hora do día.