Ultimate Marvel vs Capcom 3 chegará en novembro con 12 novos loitadores

xoves, 21 de xullo do 2011 Marcus Fernández

Capcom e Marvel Entertainment veñen de anunciar o desenvolvemento do xogo Ultimate Marvel vs Capcom 3 para PlayStation 3 e Xbox 360 de xeito que en novembro teremos (a un prezo reducido) unha actualización do xogo de loita Marvel vs Capcom 3, incorporando 12 novos loitadores para sumar un total de 50 personaxes que agradecerán os seareiros de ambos selos.
Entre os novos personaxes do xogo Capcom achegará a Strider e a Firebrand (o malvado de Ghost’n Goblins), e Marvel confirmou que engadirá ao Ghost Rider (o Motorista Pantasma) e a Hawkeye (o vingador Ollo de Falcón), desvelándose o resto de loitadores nos vindeiros meses, aínda que algúns medios xa apuntan que serán, pola banda de Capcom, Vergil, Frank West, Phoenix Wright e Nemesis, mentres que Marvel incluirá a Nova, Rocket Racoon, Iron Fist e Dr. Strange.
O xogo tamén incorporará novidades como un maior equilibrio dos personaxes e novas capacidades en liña. Entre os engadidos destaca o Modo Espectador, que permite visualizar partidas en liña en directo.


Trailer de presentación de Ultimate Marvel vs Capcom 3

Xa se coñece a carátula que terá o xogo

PUBLICIDADE