Un accesorio permitirá usar cartuchos de Game Boy no móbil
venres, 4 de agosto do 2017
O fabricante de mandos para videoxogos Hyperkin durante o
Primeiro de Abril de 2015 anunciou
que estaba a traballar nun accesorio para converter os smartphones en consolas
portátiles Game Boy, pero finalmente viron que a idea non era tan mala, e
veñen de abrir
as reservas para o SmartBoy, un accesorio para smartphones con conector
USB-C como o Samsung Galaxy S8 que sairá á venda o vindeiro 21 de agosto e que
facilitará o uso de cartuchos de Game Boy e Game Boy Color nos teléfonos con
Android con pantallas de entre 5,2 e 6 polgadas.
Este accesorio engade na parte frontal do teléfono a cruceta e os botóns de
selección, inicio e disparo da Game Boy, mentres que na parte traseira conta
con rañura para inserir os cartuchos orixinais das consolas portátiles de
Nintendo.
Este produto ten un prezo de 49,99 dólares e pode parecer bastante ridÃculo,
principalmente pola incomodidade que supoñen os cartuchos orixinais (xa que
actualmente é moi doado gozar das ROM de xogos de Game Boy en calquera
dispositivos con Android a través de emuladores), pero é probable que lle
interese a algún coleccionista de cartuchos ou algún amante dos videoxogos
retro.
Os usuarios que non teñan un móbil con USB-C poden optar por facerse cunha versión
preliminar deste accesorio destinada a desenvolvedores, que ten un prezo 10
dólares superior, pero que está dispoñible dende hai tempo e funciona por micro
USB. De feito, podemos ver o funcionamento do SmartBoy Development Kit no
seguinte vÃdeo: