Un sistema de seguridade adicional protexerá o acceso á rede corporativa da Xunta
luns, 29 de agosto do 2011
- Adrián Lence presentou o novo NAC que implantará a Xunta
A SecretarÃa
Xeral de Modernización e Innovación Tecnolóxica vai implantar un
sistema de seguridade adicional para controlar o acceso á rede de
telecomunicacións da Xunta que entrará en funcionamento a finais de 2011,
terá un alcance inicial de 1.500 usuarios localizados no Edificio
Administrativo San Caetano e elevará considerablemente o nivel de seguridade
das comunicacións.
O sistema de
control de acceso á Rede Corporativa da Xunta (NAC, nas súas siglas en inglés)
permitirá verificar e validar con maiores garantÃas as conexións de posibles
usuarios e equipos á rede de comunicacións formada por 4.500 equipos de
comunicacións, máis de 60.000 dispositivos informáticos e 21.000 liñas
telefónicas.
O novo sistema
complementará o conxunto de dispositivos e medidas xa existentes para avanzar
cara a unha rede máis segura fronte a un uso potencial que poida supor unha
ameaza para a mesma e os servizos que soporta.
A implantación
da solución NAC permite mitigar en gran medida un dos principais problemas de
seguridade aos que se enfrontan as infraestruturas de comunicacións das
organizacións, que é o acceso á rede que obtén un dispositivo polo mero feito
de ter acceso fÃsico á mesma, asà como a imposibilidade de coñecer o estado da
seguridade destes equipos.
A solución NAC
ten dous obxectivos principais. Por unha banda, controlará o acceso de
dispositivos á rede, xa que a solución é capaz de identificar non só ao
dispositivo que se conecta, senón tamén ao usuario que solicita o acceso á
rede, establecendo diferentes niveis de entrada á mesma segundo estas
credenciais e evitando que dispositivos descoñecidos obteñan acceso.
Por outra
banda, o sistema NAC verifica o cumprimento da polÃtica de seguridade por parte
de dispositivos alleos á Rede, xa que é capaz de comprobar o estado de
múltiples parámetros de seguridade do dispositivo que solicita acceso, como son
o estado do antivirus, o nivel de actualización do sistema operativo, ou a
presenza de ficheiros, entre outros, comparándoa coa polÃtica de seguridade
establecida e concedendo o nivel de acceso axeitado segundo o nivel de
cumprimento de dita polÃtica.