Vampire: The Masquerade - Bloodline prepara a súa secuela
venres, 22 de marzo do 2019
A serie de xogos de rol de World of Darkness (Mundo de
Tinieblas en España) é todo un referente dende os anos 90, o que levou a
que en 2004 puidésemos gozar dun videoxogos baseado nunha das súas entregas, Vampire: The Masquerade - Bloodlines, que
agora sorpréndenos co anuncio da súa secuela, que desta volta non chegará só a
PC, xa que Vampire: The Masquerade - Bloodlines 2
tamén terá versións para Xbox One e PlayStation 4, estando previsto o seu
lanzamento para primeiros de 2020.
Este xogo está a ser desenvolvido por Hardsuit Labs, estudio xurdido de Paradox
Interactive, e conta con Brian Mitsoda (un dos deseñadores da primeira entrega)
para escribir a historia que en todo momento procurará ser fiel ao xogo
orixinal.
Bloodline 2 introducirá ao xogador na
pel dunha criatura nacida dun acto de insurrección vampÃrica, provocando unha
guerra entre as faccións de vampiros que dominan Seattle, polo que para
sobrevivir haberá que elixir clan e realizar alianzas con faccións nun mundo no
que as eleccións terán consecuencias. Tamén teremos que controlar os poderes
sobrenaturais de vampiro durante as nosas cacerÃas, procurando sempre manter a
existencia dos vampiros agochada da humanidade para non rachar a Mascarada.
O xogo chegará cun número de clans entre os que poder elixir, pero incorporará
máis clans de balde despois do seu lanzamento. Nos vindeiros meses iremos
coñecendo máis detalles sobre as mecánicas de xogo e esta nova proposta que ten
o reto de ter que captar a atención do público máis de 15 anos despois da súa anterior
entrega.