Videocámara de Airis por algo máis de 100 euros para este Nadal
xoves, 18 de decembro do 2008
Airis, a marca nacional de informática e
electrónica de consumo, vén de presentar o seu catálogo de produtos para
decembro no que se inclúe a videocámara VC05CF, que incorpora unha pantalla xiratoria
de 270 graos TFT 3”
para comprobar o que está a gravar dende calquera ángulo.
A nova VC05CF,
que dispón dun zoom dixital de 8 aumentos, grava as imaxes en alta definición (1280
x 720), o que permite un visionado coa máxima nitidez posible en televisións
que sexan HD Ready.
Este dispositivo
permite, asemade, reproducir as gravacións de xeito doado nun televisor, grazas
a un cable de conexión HDMI que inclúe de serie e unha sinxela conexión.
O formato de
gravación H264, que é unha versión de MPEG4, ofrece o dobre de capacidade de
compresión e as gravacións ocupan menos espazo na memoria. Esta característica,
á que se lle engade a capacidade de 8 XB do seu lector de tarxetas, permite que
a duración de gravación sexa moi elevada.
Asemade, a
videocámara inclúe unha memoria flash interna de 64 MB e permite facer
fotografías de ata 5 megapíxeles de resolución.
As dimensións
deste trebello son de 108 x 65 x 26
mm e distribúese con batería de litio recargable e funda
de regalo.
O seu prezo no
mercado é de 109 euros e os seus responsables anúnciano como “o agasallo ideal para este Nadal”.