Vodafone e Movistar comercializarán o HTC Touch2 en España

Coa estrea do sistema operativo Windows Mobile 6.5 chega ao mercado español o terminal HTC Touch2, que incorpora a interface TouchFLO, pantalla táctil de 2,8 polgadas e resolución QVGA, conectividade HSPA, Wi-Fi, Bluetooth 2.1 A2DP, cámara de 3,2 Mpíxeles con enfoque fixo, GPS, lector de tarxetas microSD e conector para auriculares estándar.
O HTC Touch2 mide 104 x 55 x 12,9 milímetros, pesa 110 gramos e polo momento tanto Movistar coma Vodafone confirman a súa comercialización en España (aínda que chegará a través de máis operadores).
No caso de Movistar os prezos do terminal dependerán de do contrato de voz e datos subscribido polo usuario, de xeito que para un consumo de 20 euros de voz e 10 en datos o terminal custaría 59 euros con portabilidade, 79 con migración e 79 con alta nova.