Vodafone presenta un altofalante conectado para controlar a TV a distancia con Alexa integrado
mércores, 11 de novembro do 2020
A
operadora Vodafone estrea hoxe altofalante conectado, trátase de
ÁTIKA, un dispositivo feito por Devialet, empresa francesa de
tecnoloxía de audio. O altofalante conectado foi concibido para
controlar a televisión a distancia e vén con Alexa integrado
e coas funcionalidades de control por voz de Vodafone TV, unha
calidade de son premium e con respostas na propia televisión
do cliente.
Dende
Vodafone subliñan que este é o primeiro altofalante que un operador
comercializa no mercado español e que unifica todas estas
funcionalidades nun único aparello: o cliente só pode atopar parte
destas funcións por separado e a un prezo moi superior.
Indo
ao miolo, ÁTIKA permite controlar coa voz o que o usuario quere ver
en Vodafone TV. A través de ordes iniciadas con “Ola ÁTIKA”, o
espectador pode realizar as mesmas funcións que co seu mando a
distancia habitual: acender/apagar, control do volume, cambiar de
canle, gravar, retroceder, acceder a aplicacións como Netflix, HBO
España, Amazon Prime Vídeo, etc.
O
control por voz realízase a través dos 6 micrófonos que ÁTIKA
leva incorporados con tecnoloxía de cancelación de ruído para que
se recollan claramente as ordes. “Desta forma”, informa Vodafone,
“o dispositivo interpretará as peticións dunha forma sinxela, sen
que sexa preciso elevar a voz ou achegarse ao aparello”.
Vodafone
aliouse con Sagemcom, firma referente en solucións de audio, vídeo
e integrador certificado de sistemas de Alexa, para o deseño e a
fabricación do hardware, e para o desenvolvemento e integración de
software que permite a detección e xestión axeitadas da voz do
usuario de ÁTIKA.