Vodafone traerá a España as lentes de realidade aumentada Nreal Light
xoves, 3 de decembro do 2020
Dende Nreal
levan anos apostando pola realidade aumentada de cara ao mercado de consumo,
chegando a fabricar unhas
lentes lixeiras e económicas que ao longo do presente ano levaron aos mercados
xaponés e surcoreano da man de distintas operadoras de telecomunicacións, e
na
vindeira primavera chegarán tamén a Alemaña e España grazas a un acordo con
Vodafone, compañÃa que venderá as lentes Nreal Light como un xeito de ofrecer
experiencias de realidade aumentada e realidade mixta aproveitando as
posibilidades da 5G.
As lentes Nreal Light proxectan unha
pantalla xigante fronte aos ollos do usuario, correndo os contidos presentados
pola conta dun smartphone de última xeración conectado por USB-C, de xeito que
consegue ser unha solución relativamente económica. As lentes fan uso da
realidade aumentada para poder presentar aplicacións correndo nunha especie de
pantalla xigante transparente, mentres que con aplicacións de realidade mixta
poden amosar contido dixital sobre o noso contorno visible, combinando o mundo
real co contido dixitais, permitindo que o usuario interactúe con obxectos virtuais
en 3D.
Ao estarmos ante unha solución que proxecta unha grande pantalla virtual os
usuarios poden correr até 3 aplicacións de xeito simultáneo, facilitando o
consumo audiovisual, o acceso a redes sociais, a visualización de fotografÃas
ou incluso a utilización de ferramentas ofimáticas, achegando unha experiencia
única que serve de anticipo do que estas tecnoloxÃas ofrecerán no futuro, para
o que resulta crucial que vaian desenvolvéndose aplicacións que exploren as
moitas posibilidades e a reacción dos usuarios.
Actualmente as Nreal Light véndense no Xapón e en Corea do Sur por algo máis de
520-550 euros recomendándose o seu uso con smartphones como o Samsung Galaxy
Note 20/20 Ultra, o Galaxy Z Fold 2, o LG V50/V50S ou o LG Wing, aÃnda que no
momento no que cheguen as lentes a Europa o máis natural serÃa que se
promocionasen con algúns dos móbiles insignia de comezos de 2021, como posiblemente
o Samsung Galaxy S21.