Volven, o 13 de decembro en Betanzos, os encontros tecnolóxico-rurais de #kedarteRedes
mércores, 18 de setembro do 2019
O
vindeiro 13 de
decembro vaise celebrar a xuntanza tecnolóxico-rural
#kedarteRedes2019, o encontro sobre cultura, arte e dinamización
sociocultural. A cita será en Betanzos e xa está activa nas
redes, facendo comunidade e mobilizando á participación. Será, en
palabras da organización, un espazo de opinión sobre creatividade,
cultura e rede e reactivación da Galicia non urbana, entre outras
cuestións de interese para a nosa terra.
A
nova edición de #kedarteRedes vén co obxectivo de facer fincapé
nos obxectivos orixinais da actividade (buscar nexos comúns entre os
devanditos ámbitos de expresión e comunicación, pondo o foco nas
novas ferramentas tecnolóxicas e o seu poder de comunicación,
convocatoria e colaboración) e tentar abranguer a máxima cantidade
(e variedade) de proxectos culturais, artísticos, sociais, rurais e
tecnolóxicos, etc. “Queremos achegar un lugar para compartir
experiencias sobre a cultura en rede nun espazo aínda por determinar
en Betanzos”, explican os organizadores, os membros da plataforma
Latamuda, que queren pór o foco na necesidade de buscar alternativas
“fronte á crise dos formatos tradicionais”, xerando ligazóns
entre persoas que persigan obxectivos culturais semellantes e tirando
proveito das dinámicas en rede para “informar, difundir e
compartir”.
Para
quen queira máis información sobre o iniciativa ou presentar
propostas (até o 15 de novembro), hai unha páxina web activa (a
da comunidade Latamuda) e máis unha
ligazón para formalizar a inscrición.