WhatsApp permitirá ofrecer axuda durante emerxencias
luns, 2 de decembro do 2019
- Para pedir ou ofrecer axuda mediante as ferramentas de Facebook non será obrigatorio empregar Messenger, senón que tamén poderemos comunicarnos a través de WhatsApp
Nos últimos anos as ferramentas achegadas
por Facebook como resposta ante emerxencias para axudar a que as persoas
poidan conectar e axudarse no transcurso dunha crise teñen sido de grande
utilidade, xa que permiten confirmar que unha persoa está ben para tranquilizar
a amigos e familiares, achegan información sobre a crise en cuestión, permite recadar
cartos e incluso conta coa opción de ofrecer ou buscar axuda con recursos como
comida, subministracións ou refuxio, e para levar estas funcionalidades a máis
xente veñen
de iniciar a súa expansión a WhatsApp.
Polo momento non achegan todas as funcións de resposta ante emerxencias a WhatsApp,
senón que limÃtanse ás ofertas e solicitudes de axuda, que poderán concretarse
a través de WhatsApp en vez de empregar Facebook Messenger, o que resulta moi
de agradecer en territorios como a India ou mesmo España, onde o Messenger é unha
ferramenta pouco empregada, mentres que WhatsApp é a killer application
dos smartphones.