Wii Sports Resort chegará a Europa o 24 de xullo

O 24 de xullo chegará ás tendas españolas o xogo Wii Sports Resort, que poderase adquirir por separado ou incluíndo o accesorio Wii Motion Plus (que pode adquirirse por separado ou con outros xogos coma o Grand Slam Tennis). Este novo título de Nintendo quere levar máis adiante o popular Wii Sports (incluíndo de serie coa Wii), de xeito que retoma a diversión deste orixinal título pero facendo uso dun sistema de control máis preciso, que con este xogo pretende amosar todo o seu potencial.
Os minixogos que incluirá o Wii Sports Resort permitirán navegar en moto acuática, loitar con espadas, lanzar discos voadores, xogar ao golf, practicar tenis de mesa e incluso montar en bicicleta.