A viguesa SAEC DATA achegará a tecnoloxÃa para macropoxa de interrompibilidade de Rede Eléctica
mércores, 22 de outubro do 2014
Rede Eléctrica (REE) vén de convocar para os dÃas 17 a 21 de
novembro unha
macropoxa para adxudicar contratos de interrompibilidade, servizo que
ofrecen algúns grandes consumidores eléctricos que consiste no compromiso de suspender
ou reducir a súa actividade industrial en momentos nos que o sistema eléctrico
se atopa saturado a cambio de recibir unha contraprestación económica anual. O
proceso, que converterase no meirande concurso eléctrico celebrado até agora en
España, cun volume de 550 millóns de euros, está a crear grande expectación no
sector eléctrico.
É a primeira vez que se organiza un operativa asà para a interrompibilidade.
Vaise organizar como a clásica lonxa dun mercado de abastos e REE externalizou a organización á
empresa viguesa SAEC DATA, que, entre outras, automatizou lonxas
históricas como a gaditana de Sanlúcar.
- Imaxe dunha pasada xornada de SAEC DATA no CDTIC
O concurso levarase a cabo entre os dÃas 17 e o 21 de novembro, no recinto feiral de IFEMA, en Madrid. Adxudicaranse todos os contratos para a interrompibilidade do exercicio 2015. Convocouse a máis dun centenar de grupos e a poxa farase por bloques, o prezo de saÃda para cada megavatio do bloque de 5 MW será de 260.000 euros, fronte aos 350.000 euros por cada megavatio do bloque de 90 MW. A poxa será á baixa, en tramos de 1.000 euros. Cada competidor terá un dispositivo electrónico cun botón que, ao apertalo, suporá a retirada da poxa. O gañador será o último competidor que quede na poxa.