Entregado o XI premio ao mellor proxecto universitario con licenza libre
martes, 30 de outubro do 2018
Finalmente,
a
semana pasada fallouse o premio da XI edición do Premio ao mellor
Proxecto Universitario con Licenza Libre convocado pola Axencia para
a Modernización Tecnolóxica de Galicia (AMTEGA) coa colaboración
da Oficina de Software Libre do CIXUG. En total, o certame
recibiu este ano un total de 8 candidaturas, escolléndose logo dun
proceso pormenorizado de avaliación os 5 finalistas que defenderon
ante o xurado as súas investigacións. O xurado decidiu entregar o
primeiro premio a Alejo PacÃn, da Universidade de A Coruña, polo
Proxecto
Puding, Punteiro Dixital Integramente Galego.
A
iniciativa gañadora consistiu no deseño e desenvolvemento dunha
gaita galega MIDI profesional e sen fÃos. Este recoñecemento ten
unha dotación económica de 1.500 euros achegada polo CIXUG ao
abeiro do Convenio de colaboración asinado coa AMTEGA.
Ademais,
entregouse tamén un segundo premio a Brais Arias, da Universidade de
A Coruña, polo proxecto Qas,
sensorización da calidade do aire. O
recoñecemento ten unha dotación económica de 750€
achegados pola Asociación GPUL, colaboradora da iniciativa ao abeiro
do convenio de colaboración asinado coa axencia AMTEGA.
Os
outros finalistas do premio, a quen o xurado felicitou polo seu
traballo foron:
·
Fernando Liñares – Rss-radio, proxecto consistente no
deseño dun servizo en liña para a publicación de gravacións de
radio e podcast.
·
Paloma Piot – Backstage, aplicación web para a xestión de
festivais de música permitindo a organizadores ou promotores do
mesmo xestionar todo o concernente aos seus distintos departamentos.
·
Rodrigo MartÃnez – Catenae, Framework para a construción e
despregue de sistemas modulares de procesamento en tempo real.