O 60% do concello de Carnota xa ten cobertura de fibra óptica de Movistar
xoves, 20 de agosto do 2020
O
sesenta
por cento do territorio de Carnota xa ten fibra óptica de Movistar.
Así o fixo saber esta semana a operadora, facendo reconto dos
traballos levados a cabo no dito concello coruñés para dotalo de
cobertura de Fibra Óptica Até o Fogar (FTTH). En concreto, a compañía engadiu 238 novas vivendas e
locais ás 2.274 unidades que xa tiñan o dito servizo posto á súa
disposición por Movistar, o que supón, como dixemos, o 60% por
cento da cobertura no termo municipal. As novas unidades
inmobiliarias engadidas sitúanse en once núcleos de poboación:
Canedo, Capelán, Cornido, Cruces, Louredo, Parada, Piñeiros,
Ratieira, Riazón, Rieiro e O Viso.
A
posta en cobertura destes fogares, que xa foi comunicada ao alcalde.
do municipio, José Manuel Saborido, significa que aqueles poderán
gozar da fibra óptica de Movistar, que ofrece voz con alta calidade
nas chamadas e máxima velocidade de conexión a Internet en varios
dispositivos (computador, tableta, móbil) de xeito simultáneo e sen
reducir velocidade de conexión, entre outras vantaxes. Ademais,
engade a operadora no seu balance, “se os usuario dispoñen de
Movistar+ terán acceso a canles de alta definición e poderán gozar
dos seus contidos mentres navegan por Internet”. Igualmente
conseguirán a máxima velocidade e resposta nos xogos en rede.
O
despregue nos novos fogares que entran agora en cobertura está
impulsado polo Ministerio de Economía a través do Plan Nacional de
Extensión de Banda Ancha de Nova Xeración - PEBANG. Telefónica
continúa así coa súa política de colaboración público-privada
para situar a Galicia á vangarda en infraestruturas de
telecomunicacións de última xeración.
Telefónica
engade que a finais de 2019, o 56% da poboación da provincia da
Coruña contaba con cobertura de fibra óptica (FTTH) de Movistar, o
que supuxo un total de 444.526 vivendas e negocios e un 11% máis que
no exercicio anterior.
A
previsión é que na provincia da Coruña entren este ano en
cobertura outras 39.913, tamén en núcleos dispersos e
orograficamente complexos, aumentando nun ao redor de 9% a poboación
da provincia que poderá gozar da fibra óptica de Telefónica.