Os primeiros premios Innovagal distinguen a unha ducia de centros e docentes da nosa terra
luns, 1 de febreiro do 2021
A
Consellería de Cultura e Educación vén de recoñecer o compromiso
co coñecemento, a investigación e a creatividade dunha ducia de
centros escolares e docentes da nosa terra. E
fíxoo cos primeiros premios Innovagal, cos que galardoou as
propostas máis avanzadas do ámbito educativo consolidadas neste
curso 2020-2021.
Os
centros premiados recibirán o distintivo de Centro Educativo
Innovagal, unha certificación con vixencia de catro cursos escolares
que se exporá en lugar visíbel no centro e figurará na súa páxina
web e na documentación impresa.
Segundo
explicou Educación, a innovación desenvolvida nos centros constitúe
“parte dun proceso de cambio necesario para a adaptación do noso
sistema educativo aos retos da sociedade actual e un medio que
propicia a mellora na calidade educativa”, supoñendo estas
prácticas “unha oportunidade para metodoloxías activas que sitúen
ao alumnado como protagonista da súa propia aprendizaxe e que
fomenten o traballo en equipo”.
Modalidade
de centros escolares
Na
modalidade de centros escolares resultaron galardoados un total de
sete centros das dúas categorías establecidas, unha para escolas de
educación infantil, colexios rurais agrupados, centros de educación
especial, colexios de educación infantil e primaria e colexios de
educación primaria e outra para centros públicos integrados e
institutos de educación secundaria.
Así,
os centros que se alzaron co primeiro premio recibirán unha dotación
económica de 10.000 € para o 1º premio, 6.000 € para o 2º
premio e 3.000 € para o 3º premio. Así mesmo outorgáronse dúas
mencións de honra, unha por cada categoría, con 1.000 €. Estas
mencións estaban dirixidas ás propostas destacadas con estratexias
innovadoras de adaptación da actividade lectiva a un escenario non
presencial motivado pola COVID no curso 2019/20.
Os
centros galardoados nas dúas categorías establecidas na
convocatoria son os seguintes:
CATEGORÍA
A
·
CEIP Plurilingüe Meaño-As Covas, Meaño (Pontevedra), 1º Premio
(10.000 euros)
·
CEIP Heroínas de Sálvora (Ribeira), 2º Premio (6.000 euros)
·
CEIP San Tomé (Cambados), 3º Premio (3.000 euros)
·
CEIP San Tomé (Cambados), Mención de Honra (1.000 euros)
CATEGORÍA
B
·
IES Plurilingüe Aquis Celenis (Caldas de Reis, Pontevedra), Primeiro
Premio (10.000 euros)
·
IES Afonso X O Sabio (Cambre, A Coruña), Segundo Premio (6.000
euros)
·
IES Isaac Díaz Pardo (Sada, A Coruña), Terceiro Premio (3.000
euros)
·
IES Plurilingüe Aquis Celenis (Caldas de Reis, Pontevedra), Mención
de Honra, (1.000 euros)
Proxectos
premiados
Canto
ao contido dos proxectos galardoados, todos eles seguen “unha
aposta de renovación do proxecto educativo”, explica a
Consellería, salientando que “promoven iniciativas de aprendizaxe
por proxectos, colaborativa e interdisciplinar, nas que integran ao
conxunto da súa comunidade educativa”. En canto ás temáticas
abordadas, predominan o uso das tecnoloxías, a convivencia e a
integración.
Modalidade
docente
Na
modalidade docente, outorgáronse catro dos oito premios que se
incluían na convocatoria. As persoas galardoadas son Almudena
Lacomba Maruri (submodalidade 1), María Isabel González Piñeiro
(submodalidade 2), José Manuel Viñas Diéguez (submodalidade 3) e
Felisa Redondo Valín (submodalidade 4). Estes premios levan
asociados unha dotación económica de 3.000 € cada un. Ademais,
recibirán unha certificación de premio de innovación educativa
cunha equivalencia de 50 horas de formación permanente do
profesorado.