Os videoxogos centran o novo número da Revista Galega de Educación
martes, 11 de xullo do 2017
A Revista
Galega de Educación promovida pola Nova Escola Galega chega cada catro
meses como unha publicación pedagóxica en lingua galega dirixida a educadores
que no seu último número, o 68, ten como tema central os videoxogos. Esta entrega
titulada Aprendendo con videoxogos
ten á pedagoga e especialista en materiais didácticos dixitais Silvia López
Gómez como coordinadora, e entre os artigos que compoñen este monográfico
especial hai referentes actuais do sector do videoxogo e tamén experiencias
relatadas polo profesorado que utiliza os videoxogos nas aulas.
A revista comeza introducindo ao fenómeno dos videoxogos, para achegar un punto
de vista histórico, dando conta dos seus efectos nas persoas segundo
investigacións relacionadas e incluso analizando as súas oportunidades e
desafÃos na súa inclusión nas aulas e no fogar. Colaboran nesta sección Marcus
Fernández (Código Cero), Xurxo Mariño (UDC), Silvia López Gómez (DIMElab),
Carlos González Tardón (People & VIDEOGAMES) e Mª Esther del Moral Pérez
(Universidade de Oviedo).
Tamén preséntanse proxectos de centro e experiencias de aula relacionadas coa
análise e reflexión crÃtica sobre os videoxogos, asà como coa creación de
contidos e xogos dixitais por parte do alumnado de educación primaria,
secundaria e bacharelato nas que se empregan ferramentas como Minecraft,
e-adventura e Scratch. Achegan as súas experiencias MarÃa Begoña Codesal Patiño
(CEIP Ponte dos Brozos de Arteixo), MarÃa Loureiro González (IES Primeiro de
Marzo de Baiona), Agapito Muñiz Llanos e Sonia Vivero Nogueiras (IES de Sabón
en Arteixo) e Miguel Vázquez Freire (IES Eduardo Pondal de Santiago).
Ademais no monográfico inclúense achegas relacionadas con outros espazos
diferentes ás aulas e aos fogares onde os videoxogos teñen cabida. Amósase a
presenza dos videoxogos nas bibliotecas escolares e afóndase na importancia
destes medios nos museos, ademais de presentarse un videoxogo xurdido dende o
ámbito sanitario.
Completan o tema deste monográfico o apartado Para sabermos algo máis... no que Silvia López e Aitor Barbosa
(Imagames) inclúen recursos de interese sobre xogos dixitais, e a entrevista realizada
á Dra. Begoña Gros Salvat (Facultade de Educación da Universidade de Barcelona).
Na sección A lingua Santiago GarcÃa
Sanz (Universidade de Vigo) reflexiona arredor do estado actual do galego nos
videoxogos.
Este monográfico pode adquirirse en librarÃas ou contactando
por correo electrónico coa Nova Escola Galega.