Samsung integra lector de pegadas nunha unidade SSD externa
mércores, 8 de xaneiro do 2020
As unidades SSD externas son cada vez máis habituais, dada a
súa seguridade e velocidade, e a chamada a convertese en todo un referente é a Samsung
T7 Touch, unidade de almacenamento USB 3.2 cunha velocidade de lectura de
1.050 MB/segundo e de escritura de 1.000 MB/segundo, o que serÃa até 9,5 veces
máis rápido que os discos duros externos ordinarios.
Pero a Samsung T7 Touch vai máis aló do rendemento, e integra un sensor de
pegadas dixitais, protección con contrasinal e cifrado hardware AES de 256
bits, garantindo asà un alto nivel de seguridade. Esta unidade que estará
dispoñible en capacidades de 500 GB, 1 TB e 2 TB venderase a 129,99, 229,99 e
399,99 dólares respectivamente, e o seu peso de só 58 gramos e a súa resistente
carcasa de aluminio fai que teñamos un produto moi apto para o seu transporte.
Este mes chegará ao mercado este dispositivo co lector de pegadas táctiles,
mentres que no segundo trimestre do ano teremos unha versión en o
correspondente lector.
