Startup Pirates Galicia desenvólvese a comezos de maio en Ourense
luns, 3 de marzo do 2014
O
certame Startup
Pirates Galicia, adaptación
á nosa terra e ás características das nosas empresas do espírito
de aprendizaxe e innovación dos eventos internacionais
Startup Pirates, vaise desenvolver do 3 ao 10 de maio en Ourense.
Segundo nos contan os organizadores, a edición contará co apoio
decidido da empresa galega Dinahosting e desenvolverase ao longo de
oito xornadas de actividades, “dirixidas a todos aqueles que
queiran embarcarse na aventura de ser un emprendedor”.
Lembrar
que os termos “aventura” e “embarcarse” non son casuais. De
feito, lémbranos a organización, teñen relación directa co
espírito pirata aplicado ao eido empresarial. E recordan tamén que
entre os moitos métodos dispoñíbeis
para converternos hoxe
en día en
piratas cóntanse o de lanzarnos a explorar as nosas capacidades para
desenvolver unha idea empresarial e tamén o de aprender a converter
un reto social nun negocio sustentábel.
Startup
Pirates é un programa
internacional de aprendizaxe dunha semana de duración, de sábado a
sábado, cunha metodoloxía propia validada en diferentes países
(Portugal, Croacia, Eslovenia, Holanda, Polonia, Brasil, Perú,
Paquistán,
Romanía,
Bulgaria…). Trátase basicamente de que,
antes de botarnos ao mercado, verifiquemos
a nosa idea e estudemos a fondo as súas posibilidades e
potencialidades. Nesta
edición de Ourense os
organizadores están a facer fincapé
no emprendemento social. Ou
sexa, nas metodoloxías para
fomentar a creación de empresas sociais e pór
en valor as ideas que solucionen retos sociais con modelos de negocio
rendíbeis e sustentábeis.
Ao longo destes 8 días,
informan os impulsores do
certame galego, “poderemos
asistir a uns 8 obradoiros sobre modelos de negocio, comunicación,
finanzas, desenvolvemento de produtos e servizos, mercadotecnia,
etc; poderemos ser guiados por máis de 20
emprendedores, mentores e formadores; coñeceremos
a emprendedores e investidores; accederemos
á súa rede internacional de contactos; e traballaremos
con outros aventureiros piratas”.