A FIC premia os mellores Traballos Fin de Grao na súa feira de emprego

A Facultade de Informática da UDC acolleu a semana pasada quinta edición da súa Feira de Prácticas e de Emprego, un evento concibido polo alumnado de grao e e de mestrado da FIC interesado en realizar prácticas en empresas ou en iniciar a súa carreira investigadora. Na cita, na que participou o CITIC (Centro de Investigación TIC da UDC), entregáronse os IX Premios ao Mellor Traballo Fin de Grao Aplicado da FIC.
Tamén fixeron acto de presenza representantes das empresas tecnolóxicas Aldaba, ITG, Minsait, NTT Data, Qindel, Sngular, Torus e Trileuco, que puideron facer unha breve presentación sobre o perfil da empresa e que poden ofrecer ao alumnado desta facultade.
Desde a caseta do CITIC ofreceuse información aos asistentes sobre o plan de prácticas propio, MestreTIC, e doutras accións pensadas para o persoal de investigación ou en formación, como os almorzos TIC Talk ou o Congreso XoveTIC.
Como dixemos, tamén se entregaron os IX Premios ao mellor Traballo Fin de Grao Aplicado da FIC, destinados a estudantes con cualificación de Matrícula de Honra e patrocinados polas cátedras Aldaba WIB, CICAS-Sngular e NTT Data, ademais de contar coa colaboración do CITIC e a FUAC. Concedéronse dous accésits, dotados con 500 € cada un, e un primeiro premio de 1500 €.
O accésit do Grao en Enxeñería Informática foi para Lucía María Álvarez Crespo polo traballo Amosando ou lado escuro dás redes sociais: desenvolvemento do primeiro corpus en lingua galega para a detección de misoxinia en Twitter/Twitter e Mastodon, titorizado por Laura Milagros Castro Souto. Por este mesmo proxecto, Lucía gañou o Premio Cátedra NTT Data “ao máis relevante” no ámbito da diversidade, economía social e promoción da igualdade» no VI Congreso XoveTIC, organizado polo CITIC en outubro de 2023.
O accésit correspondente ao Grao en Ciencia e Enxeñería de Datos recaeu en Pedro Redondo Loureiro, polo traballo Detección automática da enfermidade de Alzheimer a partir de imaxes OCT retinianas en ratos transxénicos PS19 tau”, titorizado por José Joaquim De Moura Ramos e Marcos Ortega Hortas.
Finalmente, Jesús Mosteiro García levouse o primeiro premio polo seu traballo Parallelization of a graph-based multi-view machine learning algorithm, titorizado por Jorge González Domínguez e Juan Touriño Domínguez. En marzo deste ano, Jesús e os seus compañeiros do equipo The High Sleuths conseguiron a primeira posición na competición CITIC Cyber Competition (C3TF), unha xornada na que estudantes de toda España demostran as súas habilidades en ciberseguridade.