A rapazada de Santa Comba fomentará a súa empregabilidade mergullándose nas tecnoloxÃas
luns, 20 de decembro do 2021
O
Concello de Santa Comba xuntou forzas este Nadal con Axuda en Acción
e Globalvia para ofrecer á rapazada local formación avanzada en
novas tecnoloxÃas, poñendo o foco nas máis abertas, participativas
e creativas. Froito
desta colaboración colle impulso novamente o proxecto L@bs40pps, no
marco do XallasLab. Poderá participar rapazada de entre os 11 e
os 20 anos. O obxectivo é achegar capacitación tecnolóxica
avanzada e rachar fendas dixitais e de xénero. Este proxecto lévase
a cabo na capital do Xallas, en Alacante e na localidade asturiana de
Ribera de Arriba.
As
actividades desenvolveranse en horario escolar e extraescolar. O
alumnado experimentará con diferentes tecnoloxÃas como a impresión
3D, a robótica, a programación e o deseño web e gráfico.
Un
dos obxectivos é incrementar a empregabilidade futura da mocidade
xalleira, aproveitando as importantes oportunidades profesionais que
pon en xogo o sector TIC (calcúlase que en 2019 en Europa houbo
900.000 postos de traballo no sector tecnolóxico que non se puideron
cubrir por falta de persoal debidamente preparado).
“Calcúlase
que nos vindeiros anos en España crearanse máis dun millón de
empregos dixitais, por iso a adquisición de competencias
tecnolóxicas é imprescindÃbel para a nosa mocidade non só a nivel
laboral, senón tamén persoal. Brindar este tipo de oportunidades
formativas en territorios rurais, onde non adoita haber tanta oferta
como nas cidades, resulta fundamental para garantir a equidade
educativa aos nosos mozos, romper a fenda dixital e que descubran as
grandes posibilidades de desenvolvemento que as STEM ofrecen ao
ámbito rural, destaca Beatriz Varela, delegada de Axuda en Acción
en Galicia.