Marvel Unlimited estrea aplicación para Android
mércores, 8 de maio do 2013
No mes
de marzo o proxecto de subscrición dixital ao fondo editorial da Marvel
coñecido como Marvel Unlimited,
daba o salto
da web a dispositivos móbiles de Apple, e agora contan xa con aplicación
para Android 2.3.3 ou superior, facilitando asà o acceso a máis de 13.000
comics mediante unha subscrición mensual de 9,99 dólares (7,59 euros) ou de
59,98 dólares/ano (45,50 euros).
AÃnda que nun principio esta selección de comics da Marvel busca atraer a seareiros
desta editorial que poden asà repasar moitas das súas historias memorables dos
últimos 70 anos, tamén pode ser unha boa alternativa á compra dixital de
exemplares actuais, pois as coleccións en curso intégranse en Marvel Unlimited
6 meses despois do seu paso polos quioscos.
A aplicación móbil de Marvel Unlimited permite o acceso a un completo catálogo
de comics no que priman os arcos argumentais completos e no que tamén hai
numerosos comics ofrecidos de balde (para poder probar o servizo). Tamén permite
a posibilidade de gardar ata 6 comics en local para a súa lectura cando o noso
dispositivo móbil non estea conectado á Rede.