Miguel Rodríguez Quelle asumirá o cargo de director xerente de Retegal
martes, 19 de maio do 2015
O Consello de Administración do operador público Retegal vén
de nomear como director xerente a Miguel Rodríguez Quelle, licenciado en
Enxeñaría de Telecomunicacións pola Universidade de Vigo, na especialidade de
Telemática, e Máster en Bussines Administration pola Escola de Negocios de
Caixa Galicia.
Miguel Rodríguez, foi desde setembro de 2007 responsable do
proxecto de servizos de rede e telefonía fixa do operador R na Xunta de Galicia
e conta cunha ampla experiencia na xestión e desenvolvemento de proxectos de
telecomunicacións. Entre xullo de 2005 e decembro de 2006, desenvolveu a súa
actividade profesional na empresa Comunitel Global como xestor de grandes
contas e, posteriormente, como Residential & SME Product Assistant Manager.
Anteriormente, foi consultor e responsable de auditoría en Tragsa.
Rodríguez Quelle substitúe o cargo a José Ángel Abeal, de
quen o Consello de Administración fixo unha valoración moi positiva da súa traxectoria
como director xerente de Retegal nos últimos cinco anos.
Actualmente, Retegal xestiona máis de 270 centros de telecomunicacións
e unha rede fibra óptica de 1.855 quilómetros. A rede de Retegal foi chave nos
despregamentos realizados dentro do Plan de Banda Larga da Xunta, que
facilitaron o acceso a internet a máis de 740.000 galegos sen cobertura.
