O Dicionario da RAG incorpora preto de 400 novas entradas, ampliacións e modificacións
mércores, 11 de xaneiro do 2023
A
Real Academia Galega fixo balance da actividade xerada o ano pasado
polo seu Dicionario, actividade dixital que se saldou, en
2022, con case 35 millóns de consultas e a incorporación de preto
de 400 cambios entre novas entradas, novas acepcións en lemas xa
rexistrados e modificacións de redacción das definicións. A RAG
informou tamén de que o repertorio dispón dende a semana pasada
dunha nova aplicación para dispositivos móbiles, para Android e
iOS, que simplificará o acceso ás futuras actualizacións.
Polo
que respecta ás últimas incorporacións, realizada polo Seminario
de LexicografÃa da Real Academia Galega (coas contribucións dos
usuarios e usuarias, que poden enviar as súas suxestións a través
da lapela en liña Axúdanos a mellorar),
figuran na listaxe neoloxismos como idadismo
e idadista,
que se refiren á discriminación contra persoas ou colectivos por
razóns de idade, especialmente cando esta se produce contra as
persoas maiores; cis
e trans, formas abreviadas de cisxénero
e transxénero,
que xa contaban con cadansúa entrada; deporte
electrónico, que nomea a competición de videoxogos entre dous
ou máis usuarios, fundamentalmente cando é practicada por
profesionais e conta con moitos espectadores; ou aeroxerador,
dispositivo que converte a enerxÃa cinética producida polo vento en
enerxÃa eléctrica.
A
crecente preocupación polo cambio climático está tamén coa
entrada da voz antropoceno
e das locucións quecemento
global e efecto
invernadoiro. Outras palabras designan produtos de uso cotián na
cociña como alfábega,
a forma galega para se referir á planta aromática Ocimum
basilicum, ou de crecente popularidade, como a alfarroba,
froito cuxo consumo se está a estender como substituto do cacao.
Hai
tamén actualizacións que completan familias léxicas e que, malia
seguiren as regras de formación de palabras propias do galego por
sufixación, son motivo de consultas recorrentes por parte dos
usuarios do Dicionario. Son asà xa lemas do Dicionario expendedorÃa,
lexibilidade,
segredismo,
solteirÃa,
procedemental,
actitudinal,
competitividade,
masaxear,
titorizar
ou versionar.
Outro
grupo de palabras que entran está formado por estranxeirismos como
mandala,
zápping
ou jacuzzi,
e voces de vocabularios especializados pero de uso estendido por
distintos motivos como incomparecencia,
peticionar
ou trabar
embargamento ou embargo, no caso do léxico xurÃdico; ou de
escoada,
sinónimo de coada, e
delta lávico, dous termos máis que se suman a outras
incorporacións derivadas da revisión que propiciou a erupción do
volcán de La Palma no ano 2021.
Outra
novidades refÃrense a novas acepcións que se engaden a lemas que
figuraban no Dicionario. É o caso de crocante,
compoñedor -a e transportador.