Ribadeo, finalista do concurso de Adamo para poñer en valor a vida das vilas e do rural
venres, 19 de febreiro do 2021
A
operadora de telecomunicacións Adamo lanzou un concurso auspiciado
polo presentador Jesús Calleja (o certame El pueblo más amado)
para “para poñer en valor a vida rural”. Na
iniciativa, convocado a nivel estatal, participaron preto dun
centenar de municipios galegos, quedando de finalista Ribadeo. A
localidade lucense competirá con Cintruénigo (Navarra), El Puente
del Arzobispo (Toledo), Maçanet de La Selva (Xirona) e Ullastrell
(Barcelona) na última fase dun certame ao que optaron preto de 1.200
poboacións.
O
concello gañador, que se coñecerá o 8 de marzo, terá de balde,
durante un ano, o que Adamo cualifica “da fibra óptica máis
rápida do mercado (1.000 Mbps)”. Ademais, as veciñas e veciños
dese termo municipal galardoado poderán beneficiarse dunha oferta
especial con esta conexión a Internet de alta velocidade.
O
concurso
Adamo
convocou un concurso o pasado decembro para descubrir cal é “el
pueblo más amado del país”. Segundo explica a operadora, non se
trata de, efectivamente, dar coa localidade cuxos habitantes teñan
maior sentimento pola mesma, senón que o obxectivo real da
iniciativa é “lembrar e destacar as virtudes das formas de vida
que se desenvolven no mundo rural”.
Preto
de 1.200 participantes
“O
certame está a resultar un éxito”, explica a compañía de
telecomunicacións, engadindo que xa que foron presentadas até 1.163
candidaturas a través dunhas votacións en liña que concluíron o
pasado 14 de febreiro. Delas, até 98 proceden de Galicia. Adamo
destaca que os habitantes do municipio que resulte vencedor -farase
público o 8 de marzo- beneficiaranse dunha oferta exclusiva, así
como o seu concello terá un ano gratis de conexión a Internet.
Imaxes,
vídeos e testemuños
Os
propios veciños das localidades que concursaron, así como
simpatizantes destes, puideron enviar fotos de lugares emblemáticos,
bonitos ou con algunha significación: calquera imaxe que servise
para ilustrar a beleza de cada sitio, a forma de vivir, a historia, a
gastronomía, etc.
