Starlink abandonará a súa beta en outubro
martes, 21 de setembro do 2021
Dende SpaceX levan anos traballando na creación dunha constelación
de satélites de baixa altura para prover de servizos de acceso á Internet de
banda larga e baixa latencia, e tras varios meses de probas, Starlink sairá en outubro
da súa beta, converténdose nun servizo oficial que presume de estar a
piques de conseguir unha cobertura case global.
Durante o actual perÃodo de probas aseguran que as conexións de Starlink
conseguen velocidades de entre 50 e 150 Mbps e unha latencia de entre 20 e 40
milisegundos (aÃnda que das probas
rexistradas dende Ookla no segundo trimestre de 2021 en Francia despréndense
velocidades de descarga de 139,39 Mbps, de subida de 29,35 Mbps e unha latencia
de 53 milisegundos), prometendo melloras de conectividade no futuro, aÃnda que
tamén advirten que durante o despregamento desta rede de satélites haberá
breves momentos nos que poderÃa perderse a conectividade totalmente.
Para poder gozar deste servizo, para o que actualmente hai un bo número de
usuarios en lista de agarda, é preciso facerse cun kit de antena
parabólica, router Wi-Fi, fonte
de alimentación, cables e trÃpode de montaxe, podendo o propio usuario realizar
a instalación coa axuda dunha aplicación móbil. Este lote de instalación ten un
prezo de 499 euros ao que haberÃa que engadir os portes, mentres que o servizo está
previsto que teña un prezo de 99 euros/mes, polo que estamos ante unha solución
para quen queira gozar dunha conexión comparable á dun ADSL, pero en
territorios aos que non chega nin a fibra óptica nin banda larga móbil, podendo
converterse na solución ideal para certos enclaves rurais.
A grande vantaxe de Starlink sobre anteriores conexións de satélite é que estes
satélites están 60 veces máis preto da Terra, polo que conseguen unha latencia
moi inferior, conseguindo dar o servizo unicamente vÃa satélite cunhas condicións
moi semellantes ás da banda larga ordinaria (aÃnda que a prezos superiores).