Obradoiro en Lugo para emprendemento 2.0
martes, 15 de novembro do 2011
Este
mércores desenvolverase
en Lugo o taller Emprendedor 2.0,
que ten como obxectivo principal o de actualizar os coñecementos dos
emprendedores e dos empresarios para que poidan aproveitar ao máximo as
posibilidades que achega a nova forma de usar as TIC. O obradoiro, que comezará
ás 16:00 horas, será impartido por técnicos de BIC Galicia en colaboración coa
Fundación CEL Iniciativas por Lugo e levarase a cabo na sede da propia
Fundación.
Esta nova
acción formativa especializada de BIC Galicia quere dar a coñecer, tanto a
emprendedores como a futuros empresarios, o novo escenario xurdido a partir das
transformacións permanentes das TIC. O taller está deseñado co obxectivo de
aproximar e introducir aos asistentes ao novo entorno denominado web 2.0, que
ofrece novas formas de acceso á información e que está a transformar a
comunicación entre as empresas e os seus clientes, mediante o uso de
aplicacións tecnolóxicas que permiten a colaboración dos usuarios.
Os asistentes a estes encontros coñecerán distintas ferramentas de traballo 2.0
que son de especial utilidade para a xestión empresarial, asà como aspectos
básicos da Web social, ou accións de marketing 2.0, orientado ao novo contexto,
onde a comunicación require establecer conversas e escoitar aos potenciais
clientes. Os participantes tamén terán a oportunidade de coñecer as técnicas de
básicas de posicionamento web.